Lo Ligam

Politica de confidencialitat

Darrièra mesa a jorn : 2026-08-08

Lo Ligam recuèlh çò que cal, pas mai, per far foncionar l’aprendissatge. Cap de donada es pas venduda, cap de pistaire publicitari es pas installat.

Qual es responsable

Lo responsable del tractament es Romain Perier, jonhible a perier.romain@proton.me.

Çò qu’es recuelhit

Vòstre compte
Adreça electronica e senhal, per vos reconéisser d’una visita a l’autra. Lo senhal es pas jamai legible : es emmagazinat chifrat per nòstre prestatari.
Vòstre perfil
Escaisnom (obligatòri), e de manièra completament facultativa : genre, forcheta d’edat, categoria professionala, luòc de vida, çò que vos interèssa dins l’occitan. Podètz res emplenar.
Vòstra progression
La leiçon en cors, vòstre avançament e vòstres punts, per vos permetre de tornar ont n’èretz.

Perqué, e sus quina basa

Lo compte e la progression repausan sus l’execucion del servici que demandatz. Las respònsas facultativas del questionari repausan sus vòstre consentiment : servisson unicament a comprene qual apren l’occitan, pas jamai a vos ciblar.

Edat minimala

La creacion de compte es reservada a las personas de 15 ans o mai.

Quant de temps

Vòstras donadas son gardadas tant que vòstre compte existís. Se demandatz sa supression, son escafadas, progression compresa.

Qual mai i a accès

Degun, levat los prestataris tecnics necessaris al foncionament del site :

Precision que valèm mai dire clarament : vòstras donadas son gardadas sus de servidors situats dins l’Union europèa, mas la societat que gerís la basa de donadas es americana. Las autoritats dels Estats-Units pòdon doncas, en drech, ne demandar l’accès — çò que s’apèla lo CLOUD Act. L’albergament del site, el, es francés. Cercam un prestatari europèu per la basa de donadas ; cap reünís pas encara la maduretat e la compatibilitat necessàrias.

Pistaires e emmagazinatge

Cap de pistaire publicitari, cap de mesura d’audiéncia. Lo site garda solament qualques reglatges dins vòstre navegador : la lenga causida, la progression de la leiçon d’ensag, e lo fach qu’ajatz ja vist certans messatges d’acuèlh. Aquelas informacions quitan pas jamai vòstre aparelh e servisson pas a vos identificar.

Ressorsas cargadas d’autres sites

Certanas paginas cargan d’elements albergats endacòm mai, çò que transmet vòstra adreça IP a aquestes servicis : los fonses de carta (OpenStreetMap e sa version occitana OSM-bzh, OpenTopoMap, fòtos aerianas de l’IGN e del PNOA espanhòl), la recèrca de comunas quand tapatz un luòc (API Adresse, Photon), las vidèos que causissètz de lançar (YouTube en mòde sens cookies, Canva) e las faulas de l’Atlas sonòr de las lengas regionalas (LISN, Universitat Paris-Saclay) que causissètz d’escotar sus la carta. Las poliças de caractèrs e las icònas, elas, son servidas per aqueste site : cap de requèsta cap a Google.

Vòstres dreches

Podètz a tot moment demandar de consultar vòstras donadas, las corregir, las escafar, las recuperar dins un format legible, o retirar vòstre consentiment a las respònsas facultativas. Escrivètz a perier.romain@proton.me : la respònsa arriba jos un mes.

En cas de desacòrd

Se una respònsa vos satisfà pas, podètz sasir la CNIL : www.cnil.fr